Valentynspiekniek by die Taalmonument.

Mediavrystelling

’n Valentynspiekniek word op Sondag 14 Februarie 2016 by die Afrikaanse Taalmonument in die Paarl aangebied. Gaste is welkom om hul eie piekniekmandjie saam te bring of een by Volksmond Koffiewinkel te bestel (tel. 021 863 2800). Die piekniek begin om 17:00 en die monument sal tot om 22:00 oop wees.

Kaartjies is vooraf by Computicket en die Taalmonument, asook by die hek beskikbaar teen R40 vir volwassenes en R10 vir kinders. Indien die weer sleg is, word die piekniek afgestel. Besoekers moet onthou om flitse en warm klere saam te bring. Geen honde en vure word toegelaat nie. Veilige parkering is beskikbaar en toegang word beheer.

Vir meer inligting oor geleenthede by die Taalmonument, skakel 021 863 0543/4809 of besoek www.taalmonument.co.za.